Google ADS

Guardiola përsëri do të shpenzojë shumë për përforcimin e mbrojtjes

08:50 | 2 Dhjetor 2019
Arbresh.info

Manchester City nuk e ka nisur mirë këtë edicion në Ligën Premier.

Kampionët në fuqi të Anglisë kanë mbetur 11 pikë mbrapa liderit Liverpool dhe janë të tretit në tabelë me Leicesterin që është në pozitën e dytë.

Problemi më i madh për Cityn është qendra e mbrojtjes dhe për këtë trajneri Pep Guardiola po mendon të përforcohet në janar.

Mediat angleze kanë raportuar se kampioni anglez ka gjetur mbrojtësin që duan ta transferojnë në Etihad Stadium.

Fjala është për anëtarin e Leicester Cityt, Caglar Soyuncu i cili këtë edicion është ndër mbrojtësit më të mirë në Angli dhe është dëshira e madhe e Pep Guardiolës.

City është gati të shpenzojë rreth 55 milionë funte për transferuar 23-vjeçarin në radhët e veta.

Megjithatë një gjë e tillë do të jetë shumë e vështirë, duke parë momentin e mirë që po kalon Leicesteri.

‘Dhelprat’ janë duke kaluar nëpër një formë të shkëlqyeshme dhe nuk duan të largojnë asnjë nga lojtarët titullarë gjatë afatit kalimtar të janarit. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm